Асрори чинояти прокурори генералй фош мешуд, аммо…
Бобохон Бобохонов, ки аз азал мехост ҳам бо шайтон хуфтухоб кунад ва ҳам косаи савобро ба даст оварданй мешавад, бешак дастёб мешавад. Тавре мардуми Данғара мегуянд «ҳам аз тор мезанад, ҳам аз пуд», ҳамин гуна Амир Эмомалихони данғарагиро Бобохонов бо як нул зад. Ин дафъа низ аз найрангҳои Бобохонов президент Раҳмон бехабар монд. Қисса кутаҳ, бо амри вижаи президент, ки алайҳи соҳибкорони нисбатан шинохта ва тавонои кишвар «шикори ҳукуматй» сурат гирифта буд, дар ин қатор Қувват Султону Ғаффор Мирзо, Муҳаммадрузй Искандаруфу Ёқуб Салимуф ва даҳҳо дигар афрод, ки дар Точикистони вазни бештаре доштанд, «сайд»-и луқмаи хоми ҳукуматиён гаштанд. Минчумла аз вилоёти Суғду Хатлону Бадахшон ва навоҳии тобеъи марказ ба таври дастчин ин гуна нафарро аз пеши роҳашон чаноби олй дур карданд. Симои Чураев Низом, ки чун як нафари шинохта ва бешвазн дар вилояти Суғд муаррифй мешуд, ҳатто соҳибназарон ҳадс мезаданд, ки оянда раиси ин вилоят насиби ҳамин Чураев Низом аст. Аз пешрафти у ҳатто президент дар хавф шуда буд.
Чураеви исфарагй воқеан шахси пуртачриба, соҳибкори тавоно, дастдароз ва ҳамеша музаффар буд. Хайру саховати у гуши офоқро кар гардонида буд. Экс-раиси зовути кимёи Исфара на балки дар худи вилояти Суғд, ҳатто дар сатҳи чумҳурй низ вазни хубе дошт. Гапи у гап буд. Кулли сохторҳои қудратии кишвар аз у забонкутоҳанд, ки хонандагони азиз дар ин бахш метавонанд бозгашт ба мавзуъи қиссаҳои Бобохонов « Пайвандҳои ногусастанй. Прокуратураи хонаводагй, Э.Раҳмон ва Бобохонови шерафкан (қисми 3)» огаҳ шаванд.
Аслан Чураев дар ин «сайд» ногузир қурбон шуд. Қурбони дасисаҳои генпрокурор Бобохонов.
Ду сол қабл Бобохонов, ки аз президент Раҳмон дастури ҳабси Низомро гирифта буд, намедонист чй кунад. Охир у аз Низом забонкутоҳ аст. Як қасри боҳашамати ним миллюн доллараро барояш ҳадя сохта буд. Бар замми ин маркаи Чип-Лексузи 80 ҳазор доллараро Низом ба фарзанди эркаи Бобохонов-Файзулло тақдим намуда буд.
Болокории ин, аз Низом Чураев генпрокурор Бобохонов ҳар шашмоҳа қариб ҳудуди сад ҳазор доллар ҳадя мегирифт. У миёни обу оташ монда буд. Зеро бо ҳабси Низом кирдорҳои ношоистаи у низ метавонист руйи об барояд. Дарҳол ба Низом Чураев занг зада ҳолати пешомадаро баён дошта буд. Ҳамин гуна бо ҳаммаслакии прокурори вилояти Суғд Хайрулло Саидов (ин мард низ дар ҳузури Низом умрбод қарздор аст) Чураев Низом як руз пеш аз ҳабсаш аз марзи Точикистон ғайб зад. Аммо кормандони ВКД додару бародаронаш ва хешу ақарбошяро ба ҳабс гирифтанд. Молу манолашро мусодира намуданд.
Бобохонов мисли мурғи посухта ин су он су давид аммо натича набахшид. У ба президент қавл дода буд, ки Низомро ба ҳабс мегирад. Вақто ба ҳар масъала чаноюбашон мароқ зоҳир намуданд, масъулин бодя мурда-мурда аз паяш шаванд.
Аммо президентро касе мисли Бобохонов фиреб карда наметавонад. «Ҳа хуб» мегуяду боз аз пайи кори худаш мешавад. Чаноби олии содаву ландаҳур ба ваъдаҳои дуруғини шерафкани чумҳурй бовар мекунанду халос. Дар фиреб кардани президент Раҳмон дар Точикистон ба чуз Мистер Бин-Абдучаббор Азизов ва Шерафкан (мулаққаб ба Гови худо) Бобохон Бобохонов касе хато «рул»-ро тофта наметавонад. Ин ду нафар хеле хуб медонанд, ки чй тавр чанобашонро мисли лухтак бозй медоронанд.
Ҳамин тавр қаҳрамонии булъачабе аз чониби Бобохонов охируламр сар зад: Рузи 23 июн мебоист парвандаи чиноятии ҳампешагону ҳаммаслакони Низом Чураев аз чониби прокуратураи генералии кишвар тасдиқ ва ҳамзамон бояд ба суд ирсол мегардид, аммо Бобохонов аз даруни моддаҳои айбдоркунй, моддаи 187 қисми 1 «Ташкили иттиҳоди чиноятй»-ро бо як нул зада, гирифта партофт. Боқй моддаҳое, ки ба ин гуруҳ гузошта шуда буд, ба таври бояду шояд, ба қатори авфи умум биафтанд.
Мистер Бин ва Гови худо ба Низом Чураев, ки алъон дар Анқараи Туркиё қарор дорад, суҳбати телефонй намуда, «отчет» доданд, ки судшавандагонро аз чониби «одам»-и худй айбдоркунанда мемонанд, то дар марҳилаи суд низ гуноҳҳояшон сабук ва шояд бархе аз эшон аз толори суд озод шаванд.
Ин имзои булъачаби чаноби Бобохонов ягон вақт нашуда буд. Бисёр нафарон ба мисли Ғаффор Мирзо, Муҳаммадрузй Искандаруфу Ёқуб Салимуф, Абдучалил Ҳомидов ва даҳҳо нафари дигар низ ин гуна модда доштанд. Аммо аз онҳо ин моддаро лағв накарда буд. Зеро аз ишон ягон намуд хонаву қасру мошин,ҳадяпулии ҳангуфт ва як тини сиёҳ нагирифта буд. Ба ин хотир аз бародарони Низом-Фахрй ва Толиб Чураевҳо ва холаписари Низом Раҳмонов Мирзо ин моддаро ҳазф кард. Накунаду бинад. Низом Чураев рост омада ба ВКД ё коррупсия худаш таслим мешуд ва тамоми сиру асрори Бобохоновро ифшо мекард. У ин нуктаро борҳо дар суҳбати телефонияш бо Бобохонов ба унвони ултиматум гуфта буд. Зеро ин ҳар ду аз як сангаранд. Гуноҳҳои ҳар ду яканд. Ҳар ду аз як ҳавз об хурдаанду мехуранду боз хоҳанд хурд.
Чураев агар рост омада ба ВКД таслим мешуд, кори хубе ва қаҳрамонии бемисле дар ҳаққи миллату халқ мекард. Чумҳуриро аз ЗУЛУК-и рақами ЯК озод мекард. Уро халқ пуштибонй мекард, то ҳабс наградад. Аммо, дардо, ки накард. Афсус, ки наомад.
Аз суҳбати телефонияш Бобохонов тарсида буд. Мутаассифона чанобашон дар дафтари коришашон аз ин найрангҳои Бобохонов бехабаранд.
|