Алайҳи чор нафар созмондиҳандагони митинги Хоруғ парвандаи чиной боз шуд ва ин кор дар пеши Хоруғиён Солеҳовро ба ҳолати ногувор мононд
Дар нишасти хабарй дар ин бора ген-прокурори ҳамешагй ва ивазнашавандаи давлати тоталитарии Аморати Точикистон Бобохонов иброз доштааст. Чаро у чунин иброз надорад. Охир система, ки тоталитарй шуд, у, яъне чаноби Бобохонов ҳуқуқи сад фисадаи баровардани чунин «ҳукм»-ро дорад.
Қаблан, вазири ВКД Маҳмадназар Солеҳов бо чор тан аз саркардагони ин гирдиҳамой ба тавофуқ расида буд, ки алайҳи эшон ягон хел парванда боз намешавад, дар сурате, ки халъи силоҳ ба вуқуъ пайвандад. Ҳамин тавр ҳам шуд, халъи силоҳ аз чониби тазоҳургарон сурат гирифт. Ду нафари эшон ба вазифаҳои қаблиашон ба кор аз сари нав шуруъ карданд. Аммо чй шуд, ки Бобохонов яку як бора чомаро чаппа пушид?
Таври маълум ситораи М.Солеҳов ва Б.Бобохонов бо ҳамдигар ҳеч мувофиқ наомада буд. Аз азал байни ҳар ду ин тан «револютсия» вучуд дошту дорад ва хоҳад дошт. Ҳар чизе, ки Солеҳов шавад мегуяд, албатта Бобохонов онро ба «нашавад» табдил медиҳад. Ва ё баръакс. Солеҳов кафили сулҳу ҳамдастй шуда ба Хоруғ равона гардид. Дар он чо бо мардуми оддй низ суҳбат орост. Тарафҳоро ба мувофақа овард. Дар назди ҳукумат ва мардум обруяш гуё аз будаш бештар фузуд. Гуё ин митингро танҳо худи у ба оромй табдил дод. «Чаноби олй» аз маҳорати у «Ако»-гуён изҳори ташаккур кард. Аммо ин боиси рашку ҳасади Бобохонов гашт. Минбаъд у роҳи қасосро аз Солеҳов бо гунаи дигар гирифтанй шуд. Солеҳов, ки амнияти чаҳор тан тазоҳуркунандагонро кафил шуда буд ва мкони нооромеро ба оромй табдил дод, Бобохонов бо ин роҳ хост боварии мардуми Хоруғ ва ба вижа тазоҳуркунандагонро дар ҳузури Солеҳов коҳонад. Барои у фарқе надорад, ки Точикистон тиккаву пора мешавад ё обод. Танҳо манфиату ғаразҳои худро пештар мебинад, на манфаати халқро.
Инак фурсате расид, ки Бобохонов метавонад бо ин амал қасосашро аз Солеҳов гирад. Воқеан, Бобохонов медонад, ки арафаи нафақабароиаш наздик аст ва медонад, ки кайҳо фарсудаву корношоям аст ва ҳатман баъд аз рафтани у Солеҳов ген-прокурор мешавад, маҳз ҳамин нукта уро шабу руз ором намегузорад.
Иловатан, дар ин нишаст, ки Додочон Атовуллоро 2-террористи иттилоотй номид, сабаб дар сомонаи Ватандор бо номи у пайдо шудани як қатор «корнамоиҳо» аст. У шабу руз дар фикри он аст, ки чаро Ватандор алайҳи Солеҳов намегуяд. Ҳатто ба чондор ва як чанд косалесонаш гуфтааст, ки «як ҳами Ватандора бифаҳмен, чй бо Ватандор связ дора ё не». Солеҳов, ки вақтҳои ахир дар ҳузури президент Раҳмон нуфузи бештаре касб кардааст, хоби Бобохоновро ҳаром намудааст. Як андоза боиси ташвиши уро бараангехтааст.
Ва меом сари масъала:
Чаро алайҳи чор тан аз саркардагони тазоҳур парванда боз шуд? Ҳарчанд, ки ин нақшаи Раҳматилло Зойиров буд? Чаро алайҳи Зойиров не?
Бобохонов медонад, ки дониши у барои боз кардани парванда алайҳи Зойиров намерасад, аз ин хотир гумон кард, ки он чор тан дар ҳузури Зойиров камсаводтаранд, аз ин хотир мешавад, ки онҳо ба чазои «қонунй» гирифтор кунад. Ин ҳилаи Бобохонов боиси «таҳсин» аст. Аммо у фикр накард, ки бо ин кори Солеҳовро шарманда кардану чор нафарро ба чазо гирифтор намуданаш, мардуми Хоруғ оё ҳамчунин орому суктзада мешинанд? Боқй рушанфикрони кишвар оё алайҳи ин амали Бобохонов сар боло намесозанд? Оё у фикр накард, ки ин ибтикораш боз баҳонаи он хоҳад буд, ки ин дафъа митинги нотамом оғоз ёбад? Ягон чойи шубҳа ҳам нест.
Бобохонов аҳмақона ба амале даст зад, ки оқибати ҳатто хунрезиро хоҳад дошт. Чонибдорони ин чор танро у сарфи назар кард. У дарк накард, ки боз мардуми баору номус ҳам дар паси ин мардон истодааст. Чаро Бобохонов ва ҳукуматдорон аз митинг метарсанд? Агар дубурашон тоза мебуд, чунин митингро бо руйи кушоду бо чону дил истиқбол мекарданд. Ба тамоми халқи худо ва барои худашон низ ин нуқта рушан аст, ки дасту дили пок надоранд. Ҳарчанд чунин тазоҳур дар кишварҳои мутараққй чун як амали муқаррарй метобад. Боз ҳамон маънй, ки к……шон чалтоқ аст, аз ин хотир метарсанд.
Аммо, ҳар лаҳзаву ҳар сония аз ҳар кую барзан ва хиёбону шаҳру деҳоти Точикистон буйи инқилоб меояд. Буйи инқилоби фикрҳо. Буйи холй кардани курсиҳо. Буйи накуи Точикистони ОЗОД.
Оё Шумо хонандагони арчманди сомонаи Ватандор ин гуна насимро шамидед?
|