Ҳама ба митинг омодаанд, роҳи бехуне бояд чуст

Аҳзоби сиёсии кишвар комилан сокитанд. Ба чуз он ки ҳизби сотсиал-демократи Раҳматилло Зойиров, ки санаи 8 апрели соли равон мехост даст ба тазоҳур занад. Аммо ин митинг пас аз ҳафтоду як руз дар Хоруғ сар зад. Алангаи митинг бо дахолати ВКД-и кишвар хомуш карда шуд. «Ако»-и чумҳурй ваъда кард, ки ба ягон тазоҳуркунанда, аз чумла ба саркардагони он мучозот намешавад. Аммо Шерафкани кишвар аз пеши худ алайҳи чаҳор тан саркардагони тазоҳур парвандаи чиной боз намуд. Бо пофишориҳои «Ако» парванда қатъ гардид.

Аммо ормони Раҳматилло Зойиров нашикаст. Хостаҳои у дар митинг пиёда нагардид. На 96 ҳазор ҳектор замини фурухтаи Раҳмон баргардонида шуд, на ҳукумат пеши мардум пас аз сардиҳои бебарқиву бегазй узр хост, на Раҳмон 2 миллиарди ба Чин заминфурухтаашро ошкоро пеши мардум гуфт.

Муҳиддин Кабирй бошад, ҳар қадар бештар мехоҳад дар алоҳидагй нуфузи ҳизбашро нишон диҳад. Аз аксарият ҳамоишҳову эътирозҳои дастачамъонаи аҳзоби Точикистон дурй мечуяд. Ҳарчанд ягона вакил дар порлумони ношуди Точикистон аст, ки аз ҳукумат ошкоро интиқод мекунад. Бо вучуди ин дар бисёр мароҳили ҳассос Кабирй канора мегирад. Ҳизби бо нуфузи марҳум Нурй имруз ба худ аломати суолро гирифтааст, ки ин далели сустии наҳзатиёнро нишон медиҳад.

Ҳизби демократи Точикистон бошад, бо дасисаи гумошта ва чосуси ҳизби халқи демократй-Масъуд Собиров имрузҳо сару калобаи худро гум кардааст. Қаноти дигари ҳизб, ки худро пайравони Муҳаммадрузй Искандаров меҳисобанд, умуман дар лаб кулух молидаанд. Ба ягон амалкарду номаъқулиҳои ҳукуматй муқобилат нишон намедиҳанд. Пас аз он ки раиси дафтари ҳизби демократ Рачаби Мирзоро ба 15 руз ҳабс карданд, дилу гурдаи демократиён минбаъд алайҳи ҳизби ҳоким наметавонад, ки ҳатто гумони ихтилофие ба пеш оварад. Раҳматулло Валиев ва Чумъабой Ниёзов, ки чеҳраҳои намоёни ин ҳизбанд, натавонистанд, ки ҳизби пароканда шуда истодаро ба ҳам оваранд. Кадувазири адлия ва говсуди кишвар, ки ба манфиати чосус-Масъуд Собиров парванда ва сарнавишти ҳизбро ҳал намуданд, минбаъд ин ҳизб натавонист, ки мақоми рушантареро дар чамъият соҳиб шавад.

Мирҳусейн Нарзиев низ мисли мурғи посухта бечоранол медавад. Аммо медонад, ки самараи кораш набуду нест. Бо дахолати ҳукуматиён ин ҳизб низ ба ду сангар чудо шуд. Ояндаи норушани ин ҳизб боз як гуфтори вижае ҳаст.

Ҳизби ленинй, ки мурдаро монда туйхурй дорад, ба чойи он ки аз ҳукумат интиқод кунад, ба чойи он ки паҳлуи Раҳматилло Зойиров истода ҳамдастй намояд, аз ҳукумат хостори ҳайкалҳои бобои Ленинашро мекунад. Минбаъд низ ба халқу миллат ин ҳизб дар танҳой хидмате карда наметавонад.

Ҳизбҳои сохтаи Раҳмон аграрию ислоҳоти иқтисодй бошанд, танҳо дар қайди вазорати адлия ҳастанду халос. Ягон кас намедонад, ки аъзои ин ҳизбҳо чандтост.

Ҳизби Ваҳдат бошад, ба чуз табрикоти ҳамдигар дигар вақт умуман вучуд надорад.

Инак, ҳизби Раҳмон. Ин ҳизб, ки номенклатураи ҳизби шуравии коммунистиро билкулл ба аъзогй пазируфтааст, танҳо номи дигар дорад. Аммо ҳама коргузорй мисли режими яккатозии солҳои шуравист. Ин ҳизб як бурд дорад: тамоми фишангҳои хурданиву серраваған аз они уст. Касе аз дигар аҳзоб бо таври диплуматй суяш нигарист, бо мушт посух медиҳад. Аъзоёнаш ғарри садбистардидаро мемонанд, ки агар пагоҳ давлат исломй ё демократй ё сотсиалистй шавад, билети ҳизби Раҳмонро партофта, дарҳол аъзои ҳамон ҳизби ҳоким мешаванд.

Кишвар лаби чарие қарор дорад, ки бо камтарин шамолаки қисмат фуру хоҳад рафт. Аз начоти он касе андеша намеронад. Раҳмон бошад, умуман парво надорад, ки Точикистон гуфтанй кишвареро сел мебарад ё туфон. У ҳар руз саҳарии барвақти барвақти барвақт соати 11:00 (!) аз хоб мехезад. То ришу фашашро тоза мекунад, то абрувонашро манукеншитсаҳо шона мезананд, ки соат 12:30 мешавад. Ана вақти хуроки нисфирузй мешавад. Ду соат «хурдан сар шуд фашшу фуш, бисмиллоҳ шуд фаромуш». Бо ҳамин соат 15:00 мешавад. Вақти хоб сар шуд. Масту аласт, ҳатто туфлияшро накашида дар курсии хурокхурй хоби нозаш мебарад. Ана ёбу гир. Точикистон сари ду шиша арақ мурд.

Ватандорони азиз, кулли аъзоёни аҳзоби сиёсй! Мо дар танҳой алайҳи ин туда, ки сари хуроки нисфирузй хобашон мебарад, мубориза бурда наметавонем. Дар порлумони ношуди корношоями шалақи кайҳо чанозаашро хонда, ҳамагй ду курсй дорем. Боқй ҳамаашро ҳизби Амир Эмомалй хон дорост. Пас кулли манфиатҳои эшон ҳимоя мешаваду халос. Раҳматтилло Зойиров ҳануз соли 2003 коалитсияи ҳизбҳоро пешниҳод карда буд. Шумо нахостед, пиндоштед, ки Зойиров дар оянда нуфузашро ҳузури халқ баланд мекунаду шуморо мардум эътироф нахоҳанд кард. Ин иштибоҳи шумоён буд, азизони ман, иштибоҳи нобахшидании шумоён буд, ки дар азоби халқи азизи ман, шумоён низ мучримед, пагоҳ дар пештоқи маҳшар ва таърих посух хоҳед гуфт.

Пас роҳи начот яктост: ИТТИҲОДи аҳзоб ва боқи беҳизбҳо. Итминон дорам, ки агар кулли аҳзоби кишвар дасти ҳам бигиранд, ҳафтоду ҳафт қабилаи ҳизби халқи демократй бо шумоён баробар шуда наметавонад. Ҳамаи мо ватандорем, ватане бо номи Точикистони азиз дорем. Напиндоред, ки кишварҳои дуру наздики кишвар дар кулли пасмондагиҳо танҳо Раҳмон ва командаи лошахури уро гунаҳкор меҳисобанд. Эшон шуморо низ маломат доранд, ки сусттаринҳоед, сусттаринҳо!!!