Шомгоҳ зане дар пеши қасри президент худро мамнунона оташ зад

Амир Эмомалй хон ахиран табааашро ба моҳи шарифи Рамазон аз самими дил «табрик» мегуяд. У ҳарчанд 16 сол боз «армуғонҳо»-и нав ба навро ба миллати хору забун гашта пешкаш менамояд, ин тирамоҳ «лутф»-аш бештар шудааст. «Армуғонҳо»-яш, ки бенониву гурснагй, муҳочирату СПИД, бешавҳармонии модарону зиндаятимии фарзандони чашмбароҳ, фарзанди ғарқихунгуркунии падарону ашки талхи хоҳарон аст, тули 16 соли пурра Точикистони дар вартаи ҳалокатро армуғон бахшид. Илтифоташ ҳадду канор надорад. Кадушоҳе насиби Точикистон шуда, ки замоне пирони хирад мегуфтанд:

"Худованд агар ба ғазабаш гирифтор мекунам, гуяд, шоҳи золимро ба сари мардум меоварад."

Валлоҳ, халқи азизи ман ба ғазаби Парвардигор гирифтор аст. Зани муштипаре, ки ду писараш ба чурми нокарда говсуд шудаанд, (аз канораи шаҳри Душанбе) даре намонд, ки кубад. Дари суди оливу додгоҳи куллро охурча кард. Касе ба додаш нарасид. Омад туи дари қасри президент. Каллабурон намондандаш. Хост назди президент дарояд. Аммо Амиршо Миралиев аз ин ҳикоят огаҳй ёфт, фармон дод, ки бе ҳеч вачҳ назди президент надарояд. Амиршо аз як чиҳат ҳақ ҳам буд. Зеро Кадушоҳ ба дарди ин модари точик чй гуна метавонад дармон шавад? Дар ҳоле, ки ҳарбу зарби тақсимоти нуқоти калидии Точикистон дар оилаи Раҳмон ва раҳматии Ҳасан дар авч аст.

Модари зор худро оташ зад. Мамнунона оташ зад. Безор аз зиндагй сухта мурд. Маргро бо оғуши гарм пешвоз гирифт. Боз як модари дигари точик аз «армуғонҳо»-и президенташ рахт ба олами ҳастй, вале оташ дар дил баст.

 Дарҳол кормандони пиромуни ин қаср ба чашми халқу қонун хок пошиданд. Касоне, ки диданд «шутури сафедро надидам»-гуён пушт ба часади нимсухта карданд. Ба часаде, ки фарзанди точик милод кардааст. Часаде, ки ним соат қабл аз ҳавои аморати Точикистон нафаси тоза мекашид. Мамнунона мурд. Зеро агар намемурд, хоҳу нохоҳ  дунболаи тирамоҳи бебарқй зимистони бегазй аз хунукй мемурд. Бечора бемор буд. Аммо хушбахтона мурд. Дигар ҳавои ин марз барояш манфур тобид.

Ин дафъа навбати кудом модари дигари точик аст? Кудом чигарсухтаи писар ё шавҳараш говсуд шуда, мамнунона даст ба худкушй мезанад. Тавре масъулин иброз доштаанд, дар Точикистон теъдоди худкушй нисбати соли гузашта 75 дар сад афзудааст, ки қисмати зиёди онро модарону хоҳарон ташкил медодаанд. Чаро модари точик бояд бимирад? Чаро маҳз бо марги мачбурй? Зиндагии фароҳамовардаи Раҳмон армуғонест, ки модарони моро ба дорулфано мефиристад. Ин аст туҳфаи президенти якумра, намиранда, ҳамешабақову Намруди тапа-тайёри  ватандорони ман!!!

Рузе нест, ки дар паҳнои Русиё ягон нафари точикистонй бо ҳероин боздошт нашавад. Рузе нест, ки дар акнофи сарзамини Русиё хуни точике нарезад. Рузе нест, ки дастикам сад нафар точикистонй дар Русиё мубталои СПИД нашавад. Ин беҳтарин туҳфаҳои президент ба халқаш аст. Ягон муҳочире аз руйи ҳавас даст ба фуруши ҳероин намезанад. У мачбур аст. Ачиби кор дар он аст, ки авлоду ақрабо ва думравони «чаноби олй» (ин вожа ба чои бисмиллоҳи кормандони ТВ Шабакаи аввал ва хабарнигорони АМИТ Ховар аст) тонна-тонна ҳероинро аз марзи Афғонистон интиқол мекунанд, ҳич гоҳ дастгир намешванд. Бечора мардуми дар қарзғутидае, ки аз ниҳояти сиёсати пешгирифта ва «хирадмандона»-и чанобашон дар гуруснагиҳо анқариб мурда, бо 500 грамм чунин маводи наҳс дастгир мешавад. Ин ҳам туҳфаи чаноби олист!!!

Инак, туҳфаи дар пеш истодаи чанобашон моҳи азизи Рамазон аст. Аллакай дар бозорҳои ин кишвар нархи маҳсулот нисбати соли гузашта 100 фисад боло рафтааст. Кадушоҳ аҳмақона маошро бардошту нархро танзим карда натавонист. Маҳсулоти дохилй танҳо аз они Озодаву Рустаму Таҳмина Раҳмоновҳост. Ин ҳам дарди гузаро. Бебарқии моҳи шариф беҳтарин ҳадяи Кадушоҳ ҳаст. Мардуми имондору ватандори точик дар рушноии чароғу пилтасабаду шамъи бобой ифтору саҳарй хоҳанд хурд. Тирамоҳ ҳеч гап не. Зимистон комилан кишвари ТОРИКИСТОН-еро хоҳад монд. Кишвари бегазу бебарқ. Танҳо дар хонаи чаноби олй ва думравони у барқи ҳамешагй фурузон хоҳад буд. Оё ин туҳфа нест???

Агар хомуш биншинем, аз ин ҳам рузи бадтар моро мунтазир аст. Зеро ин шайтони бекалушу маҳсй аз дасташ ба чуз ин ҳадяҳо дигар чизе наомаду намеояд ва нахоҳад омад!!!