Чурми нобахшидании у ин аст, мисли дигарон, ки тули 17 сол 17 бор мавқеаъшонро дигар кардаанд, дигар накард. Гуноҳи нобахшидани у, ки ба санадҳои байнулмилалй арч гузоштааст ва фикрашро озодона баён доштааст.
Имруз ҳатто ҳукумат намедонад, ки кучо равона аст. Имруз ҳатто бо сари муйрехтаву фоххакиҳои яктарафшоназада наметавонад ташхис бидиҳад, ки чиро дунболгирй дорад. Таҳқирро аз танқид наметавонад, ки чудо созад. Дар кишваре чун Точикистон, ки худро тимсоли Қазоқистону Амрико, Русиёву Бритониё дар коғазҳо «демократй» номидааст, ахиран ру зад, ки Точикистон мафҳуми демократияро намефаҳмидааст. Ё худ дар хуну буну буму решаи мо-точикон демократия созгор набудааст. Кор то чоест, ки ҳатто душмани худро аз дустон фарқ карда натавонистем, ки натавонистем.
Агар дар қавонини Точикистон изҳори андеша ва озодии баён ба ҳама дода шудааст, ман танҳо дар ин қонунҳои дуруғин намоишкорие бештар дигар чизеро намебинам. Ё чашми ман дида наметавонад!? Шояд…
Агар ин намоишкорй намебуд, ман ризо будаме, ки аз сарқонуни кишвар моддаи 30-ро ҳазф намоянд. Дар он сурат мардуми точик бори дигар итминон меварзид, ки Точикистон кишвари демократй нест, балки тоталитариву шоҳигариву авлодиву …. ва ғайраву ҳоказо аст.
Он дам мо низ ҳич чиз намегуфтем, ба лаб муҳр мезадем ва мегуфтем, ки кишвари мо кишвари ғайридемократист. Бигзор дар он ҳол ба ҳар озодандеш ҳатто ҳукми қатл бароранд ҳам, савганд ба номи Худо ман ризо будам. То ба ҳол мағзу чигарамро андешаи чаро дар коғазҳо ва пеши дигар мамолик намоишкорона «Точикистони ҳуқуқбунёду дуняву демократй» номидаем, мехурад ва бо ин бархурдҳои манфиатчуйиву хушомадгуй ва шахсиятпарастй, ки демократияро низ қурбон ба чунин менталитетҳои нонавишта кардаем, ҳеч созиш карда наметавонам.
Агар намоишкорй намебуд, чаро озодии баён дар қонунҳои мо чой дорад? Дар ИМА нафаре вақте гуяд, ки ба у президент Чорч Буш маъқулу мақбул нест, ҳич чойи ҳангомаву ҳамҳамаву парвандакушоиву таъқибу фишору зуроварй нест. Ҳеч чойи мурочиат ба интерполу дигар хадамоти махсуси боздошткунй нест. Аммо Точикистон, ки базур миёни худро дошта аз мунчалоби хуну гилу оғуштаи чанг бармехезонад, намедонад, ки маблағе, ки чанд бо кумаку садақаву хайрияҳои дигар мамолик додаашро ба кучо сарф кунад. Аз ин хотир дар давлати демократии Точикистон ин гуна маболиғро ба интерполу дигару дигар масорифи ғайриқобили ақл масраф мекунанд, ки чойи войгуйист.
Вагарна чаро ба Додочони Атовулло, ки фақат ва фақат гуфтааст, ки ба у президент Раҳмон маъқул нест, уро бо чурмҳои осмонкаф муттаҳам мекунанд ва имруз ҳукумати Точикистон омодааст, ки ҳатто миллиард доллар сарф шавад ҳам Додочонро паси панчара нишонад. Э бародаро, хари кури бобои Ғуломалии қаротегинй низ ба ин амали шумо аз паси лачоми латтагинаш механдад. Агар жарфтари ин масъала равем Додочон танҳо андешаи худро гуфтааст. Озодона, мардона гуфтааст. Мисли баъзеи шумо дар маҳофили кунчҳои сандалй аз ҳукумат хар тарошидаву рузона лагандбардорй накардааст. Иқрор шавед, ки шумо низ ҳукуматро бо чунин коргузории кур-куронааш намехоҳед. Аммо метарсед, дили шумо, руҳи шумо, вучуди шумо аз буз аст, боқй дигар ҳич чиз!!!
Баъид нест, ки аксарият чунин фикр доранд, ки президент Раҳмон ба эшон намефорад. Агар фисади чунин хоҳишдоронро ҳисоб кунем, метавонам бо даҳони пур гуям, ки 80 фисади Точикистон андешаи Додочони Атовуллоро доранд. Агар 80 фисади Точикистон аз 7 милюн домани 5 милюн аҳолй бошад, пас прокуратураи женеролй ва ВКД-и Точикистонро зарур аст, ки ба 5 милюн аҳолй парвандаи чиной боз кунад.
Бале, бале, агар аз нигоҳи ин ҳукуматиён бигирем, 5 милюн аҳолии Точикистон мубтакири гуноҳи нобахшиданианд, ки Раҳмонро намехоҳанд. Турко Дикаев журналисти саршиносу ворастаи точик низ боре ҳангоми интихобот, ки ошкоро аз нахостанаш Раҳмонро гуфта буд. Мақомоти Точикистон намедонистанд бо у чй кор кунанд. Оре, у гуфта буд, «ин ҳаққи ман аст, ки ман мехоҳам, ба касе хоҳам раъй медиҳам, ба касе нахоҳам не». Умраш дароз бод Турко Дикаевро, худовандо сафи чунин журналистони баимону ҳақиқатпарварро зиёда куну сафи тарсужурналистонро комилан аз руйи замин бардор. Омин!
Дар Точикистон касе наметавонад рушод алайҳи ҳукумат гуяд, ки бо Додочон Атовулло ин кори эшон хатои маҳз аст. Зеро ин латма ба пояи журналистикаи точик аст. Ман аз Додочон ин чо пайғамбар сохтанй нестам, аммо ба Додочон барин нафар чанг андохтани мақомоти Точикистон гуноҳест нобахшиданй ба озодии сухан.
Ба чуз як ду матбуоти точик, ки он ҳам бошад пардапушона (як андоза тарс низ эҳсос мешавад аз навиштаҳояшон) дигар ягон ВАО-и кишвар ломе аз ин пешомади нангин намекафонад. Марг бар шумо барин журналистони тарсу!!! Марг!!!
Агар бо Додо чунин корро раво диданд, пагоҳ сари шумо низ чормағз мешикананд. Ин андешаи ман буд, ки қонунҳои Точикистон барои озодона баён кардани андешаам кафолат додааст. Танҳо андешаи ман!!!
|