Ин матлаб бо шукргузорй аз як тан хоҳари ватандор бо исми Зебосанам, ки бароямон линкашро равон кардааст, мунташир мешавад. Линки мазкурро аз бахши «Назаргоҳ» дарёфтам ва онро бидуни ихтисор ба ватандорони арчманд ироъа медорам. Матлаб баргирифта аз сомонаи ВВС. Зинда бошед, Зебосанам.
Ватандорони ман бубинед ин садруяҳо чй гуна худро шарманда месозанд.
Рузномаи Таймз чопи Бритониё дар шумораи интернетии худ рузи панчшанбе, 30 октябр навишт Раиси чумҳури Точикистон имруз ба рабт доштан ба қазияи тақаллуби чандин миллиюндулорй дар муъомила бо олуминиюм муттаҳам шуд, ки ин қазия пурҳазинатарин мурофиъа дар додгоҳро дар торихи Бритониё ба вучуд овардааст.
Ба гузориши Таймз ин иттиҳом дар Додгоҳи олии Ландан дар чараёни мурофиъаи марбут ба мубориза барои таҳти кунтрул доштани корхонаи зуби олуминюм дар ҳумаи шаҳри Душанбе, пойтахти Точикистон - яке аз фақиртарин кишварҳои Осиёи Миёна, матраҳ шуд. Интизор меравад ҳазинаи хадамоти ҳуқуқии марбут ба ин қазияи ғайриоддй наздики 90 миллиюн лираи истерлингро ташкил диҳад.
Асоси тақозои моро шавоҳиди рушан дар бораи фасод ва ришваи беандоза бузург ташкил медиҳад. Иддаъоҳои мудофеъон дар ин қазия дар бораи тақаллуб, ки раиси чумҳурро низ дар бар мегирад, танҳо пардаи дудест ва комилан дуруғ аст. Мудофеъон ин изҳоротро ҳадафмандона дер баён карданд, то таваччуҳро аз иттиҳомоти барҳақ алайҳи худ дур кунанд ва руи фасод дар корашон ниқоб бигзоранд.
Изҳороти Талко ба рузномаи Таймз
Таймз менависад, Талко ширкати давлатии тавлидкунандаи олуминиюм Абдуқодир Эрматов, раиси пешини худ ва Аваз Назаров, бозаргони точики ҳоло муқими Бритониёро муттаҳам кардааст, ки ин корхонаро ба унвони манбаъи даромади шахсй истифода кардаанд ва беш аз 500 миллиюн дулор даромади онро тайи солҳои 1996 ило 2004 аз они худ кардаанд.
Таймз гузориш медиҳад, ки пештар дар оғози ин ҳафта Талко ба додгоҳ гуфт, ки оқои Эрматов ва хонаводаи у миллиюнҳо лираи истерлинг ба сурати ришва аз оқои Назаров гирифтаанд, ки шомили манозил дар Ландан ва Маскав мешавад.
Ин рузнома менависад, Маррей Роузен, вакили мудофеъи Талко гуфтааст: "Мо нишон хоҳем дод, ки оқои Назаров ва оқои Эрматов бо ҳамдастони худ садҳо миллиюн дулорро аз кишваре дуздидаанд, ки ба мушкил метавонад чунин маблағро ба даст биёрад."
Ба навиштаи ин нашрия, аммо вакили мудофеъи оқои Назаров имруз дар додгоҳ гуфт, ин иттиҳомот талоше чуз барои зери пардаи дуд бурдани тақаллуби худи муддаъиёни ин муноқиша нест.
Брайан Докта, вакили мудофеъи окои Назаров гуфт оқои Эрматов ва оқои Назров дар моҳи декабри соли 2004 тавассути афроди "машкуки" дорои равобит бо давлати Точикистон аз кор барканор шудаанд.
Таймз менависад, оқои Докта гуфтааст назорат бар корхонаи олмуниюм бидуни пардохти чуброн ба CDH Investments, ширкати офшории таҳти кунтрули чанд шахсияти точик, ба шумули президент Эмомалй Раҳмон, сарвари давлати кишвар интиқол ёфтааст.
Оқоён Эрматов ва Назаров ба навбаи худ Талкоро муттаҳам мекунанд ва чуброни хисораи ҳудуди 130 миллюндулориро тақозо доранд.
Ба навиштаи рузномаи Таймз онҳо муддаъй ҳастанд, ки пас аз қатъи кунтрули онҳо бар ин корхона ҳар моҳ беш аз 20 миллиюн аз даромади он ба мантақаи офшорй мунтақил шудааст, ки ба далели он бо вучуди равнақи баҳои олуминиюм корхона натавонистааст қарзҳои худро бипардозад.
Оқоён Эрматов ва Назаров равобити олуда бо фасод доштан бо якдигарро рад мекунанд ва иддаъо мекунанд, ки онҳо фақат дустони қадимй ҳастанд.
Онҳо мегуянд, зарфияти тавлидии корхонаро, ки ба асари чанги дохилй шадидан коҳиш ёфта буд, бо созмондиҳии фароҳам сохтани маводи хом ва роҳандозии ҳамкорй бо ду бузургтарин тавлидкунандаи олуминиюм дар Урупо - ширкати норвежии Норск Ҳайдро ва Русал, ширкати русии таҳти кунтрули Олег Дерипаска, сарватманди рус, барқарор кардаанд.
Ба навиштаи Таймз оқои Докта ба додгоҳ гуфтааст, ки ширкати Талко иттиҳомот алайҳи оқоён Эрматов ва Назаровро барои таъйиди узри худ дар қиболи сармоягузорон ба вучуд овардааст.
У ҳадафи Талкоро дар қазияе, ки ҳазинаи он 5 дарсади даромади нохолиси дохилии кишварро ташкил медиҳад, таҳти савол бурдааст. Ба гуфтаи вай амалан ҳеч парвандае дар торихи муноқишоти ҳуқуқй барои матраҳкунандаи даъво чунин ҳазина надоштааст.
Дар як изҳорот ба рузномаи Таймз Талко гуфтааст: "Асоси тақозои моро шавоҳиди рушан дар бораи фасод ва ришваи беандоза бузург ташкил медиҳад. Иддаъоҳои мудофеъон дар ин қазия дар бораи тақаллуб, ки раиси чумҳурро низ дар бар мегирад, танҳо пардаи дудест ва комилан дуруғ аст. Мудофеъон ин изҳоротро ҳадафмандона дер баён карданд, то таваччуҳро аз иттиҳомоти барҳақ алайҳи худ дур кунанд ва руи фасод дар корашон ниқоб бигзоранд."
Рузнома менависад, даъво дар додгоҳ идома дорад
|